“అందరికీ 77వ, స్వతంత్ర్య దినోత్సవ శుభాకాంక్షలు”.
కొంత వెనక్కి:
స్వాతంత్ర్య దినోత్సవం 1947లో బ్రిటీష్ పాలన ముగింపును సూచిస్తుంది, ఆ సంవత్సరం జూలై 18 నాటి భారత స్వాతంత్ర్య చట్టం, స్వేచ్ఛా, స్వతంత్ర భారత దేశం స్థాపన ద్వారా తీసుకురాబడింది. ఇది ఆగస్టు 14–15, 1947 అర్ధరాత్రి జరిగిన ఉపఖండాన్ని భారతదేశం, పాకిస్తాన్ రెండు దేశాలుగా విభజిండాన్ని సూచిస్తుంది. (పాకిస్తాన్లో, ఆగస్టు 14న స్వాతంత్ర్య దినోత్సవాన్ని జరుపుకుంటారు.) ఈ సంవత్సరం 77వ స్వాతంత్ర్య దినోత్సవాన్ని జరుపుకుంటున్నాము. ఈ సందర్భాన్ని పురస్కరించుకుని "ఆజాదీ కా అమృత్ మహోత్సవ్" గానూ "నేషన్ ఫస్ట్, ఆల్వేస్ ఫస్ట్" అనే థీమ్ తోనూ ఉంటాయి.
భారతదేశంలో బ్రిటిష్ పాలన 1757లో ప్రారంభమైంది, ప్లాసీ యుద్ధంలో బ్రిటిష్ విజయం తరువాత, ఇంగ్లీష్ ఈస్ట్ ఇండియా కంపెనీ దేశంపై నియంత్రణను కొనసాగించడం ప్రారంభించింది. 1857-58లో భారతీయ తిరుగుబాటు నేపథ్యంలో ప్రత్యక్ష బ్రిటిష్ పాలన (బ్రిటిష్ రాజ్ అని కూడా పిలుస్తారు) ద్వారా భర్తీ చేయబడే వరకు ఈస్ట్ ఇండియా కంపెనీ భారతదేశాన్ని 100 సంవత్సరాలు పాలించింది. భారత స్వాతంత్ర్య ఉద్యమం మొదటి ప్రపంచ యుద్ధం సమయంలో ప్రారంభమైంది. బ్రిటిష్ పాలనకు శాంతి, అహింసాయుత ముగింపు కోసం వాదించిన గాంధీ నేతృత్వంలో జరిగింది.
స్వాతంత్ర్య దినోత్సవం రోజున సాధారణంగా దేశ ప్రజలు భారతదేశం అంతటా జెండా ఎగురవేత వేడుకలు, కసరత్తులు, జాతీయ గీతం ఆలాపన చేస్తారు. ఈ విధంగా తమ దేశభక్తిని చాటుకుంటారు. ఆయా రాష్ట్ర రాజధానులలో వివిధ సాంస్కృతిక కార్యక్రమాలు నిర్వహింపబడతాయి. పాత ఢిల్లీలోని ఎర్రకోట చారిత్రాత్మక స్మారక చిహ్నం వద్ద భారతీయ జెండాను ఆవిష్కరించే కార్యక్రమంలో ప్రధాని పాల్గొన్న తర్వాత, సాయుధ దళాలు, పోలీసులతో కవాతు జరుగుతుంది. ప్రధానమంత్రి జాతిని ఉద్దేశించి ప్రసంగిస్తారు. గత సంవత్సరంలో భారతదేశం సాధించిన ప్రధాన విజయాలను వివరిస్తూ, భవిష్యత్ సవాళ్లు, లక్ష్యాలను వివరిస్తారు. గాలిపటాలు ఎగరవేయడం కూడా స్వాతంత్ర్య దినోత్సవ సంప్రదాయంగా మారింది, వివిధ పరిమాణాలు, ఆకారాలు, రంగుల గాలిపటాలు ఆకాశాన్ని నింపి వేస్తాయి. 2023 నాటికి భారతదేశం స్వతంత్ర దేశంగా 77 సంవత్సరాలు పూర్తి చేసుకుంటుంది.
స్వాతంత్ర్య దినోత్సవం. ప్రాముఖ్యత:
దేశంలో స్వాతంత్ర్య దినోత్సవాన్ని జాతీయ సెలవుదినంగా పాటిస్తారు. ఈ రోజు ముఖ్యంగా విముక్తి ఉద్యమాన్ని ముందుకు తీసుకెళ్లడానికి, బ్రిటిష్ ఆధిపత్యం నుండి స్వాతంత్ర్యం పొందేందుకు, లక్షలాది మండి స్వాతంత్ర యోధులు చేసిన అనేక త్యాగాలకు గుర్తుగా ఈ రోజును చూడవచ్చు.
జాతీయ జెండా:
జాతీయ జెండా మూడు రంగులను కలిగి ఉంటుంది. కుంకుమపువ్వు ధైర్యం, త్యాగాన్ని సూచిస్తూ ఉండగా, తెలుపు శాంతిని, ఆకుపచ్చ శ్రేయస్సును సూచిస్తుంది. మధ్యలో ఉన్న అశోక చక్రం జీవిత చక్రాన్ని సూచిస్తుంది.
భారత జాతీయ జెండాను, ఆంధ్రప్రదేశ్కు చెందిన విద్యావేత్త, స్వాతంత్ర్య సమరయోధుడు పింగళి వెంకయ్య రూపొందించారు. ఆగస్టు 15, 1947న ఢిల్లీలోని ఎర్రకోటలోని, లాహోరీ గేట్ వద్ద భారత తొలి ప్రధాని జవహర్లాల్ నెహ్రూ జాతీయ జెండాను ఎగురవేశారు.
అనేక పాఠశాలలు కళాశాలలు మరియు ప్రభుత్వ సంస్థలలో, ఉదయాన్నే జాతీయ జెండాను ఎగురవేస్తారు; అనంతరం సాంస్కృతిక కార్యక్రమాలు నిర్వహిస్తారు.
ఆగస్టు 15 నాడే ఎందుకు?:
స్వాతంత్ర్య ఉద్యమంలో అనేక సంవత్సరాల పోరాటం, కష్టాలు, అహింసా ప్రచారాల తరువాత, బ్రిటీష్ పార్లమెంట్ చివరకు జూన్ 30, 1948 నాటికి లార్డ్ మౌంట్బాటన్కు అధికారాన్ని బదిలీ చేయాలని ఆదేశాన్ని ఇచ్చింది. కానీ, మౌంట్బాటన్ తేదీని ముందుగా నిర్ణయించారు. ఆగస్ట్ 15, 1947ని అధికారాన్ని బదిలీ చేయడానికి తేదీగా నిర్ణయించబడింది. చక్రవర్తుల రాజగోపాలాచారి, స్వతంత్ర భారతదేశం యొక్క మొదటి భారతీయ గవర్నర్ జనరల్. మౌంట్ బాటన్ రక్తపాతం, అల్లర్లు వంటివి జరగకుండా ఈ రోజును ముందుగానే నిర్ణయించుకున్నట్లు చెప్పారు.
మౌంట్ బాటన్, జూన్ 1948 వరకు వేచి ఉండి ఉంటే, బదిలీ చేయడానికి ఆయనకు అధికారం మిగిలి ఉండేది కాదు అన్నది రాజగోపాలాచారి అభిప్రాయం.
కాబట్టి, భారత స్వాతంత్ర్య బిల్లు జూలై 4, 1947న బ్రిటీష్ పార్లమెంట్ హౌస్ ఆఫ్ కామన్స్ లో ఆమోదించబడింది. భారతదేశంలో బ్రిటీష్ పాలనను అంతం చేసేలా, భారతదేశాన్ని రెండు ముక్కలు చేసేలా బిల్లు ఆమోదించబడింది.
సార్వభౌమాధికారాన్ని భారత రాజ్యాంగ సభకు బదిలీ చేసిన భారత స్వాతంత్ర్య చట్టం 1947 యొక్క నిబంధనలు ఆగస్ట్ 15, 1947 నుండి అమలులోకి వచ్చాయి.
బాటన్ ఫ్రీడమ్, ఫ్రీడమ్ ఎట్ మిడ్నైట్లో భారతదేశ స్వాతంత్ర్య దినోత్సవం కోసం ఆగస్టు 15 తేదీని ఎందుకు ఎంచుకున్నాడో వివరించాడు.
"నేను ఎంచుకున్న తేదీ అనుకోకుండా నిర్ణయించుకున్నది. ఆ మొత్తం ఈవెంట్ కి నేనే సూత్రధారిని అని నిరూపించాలని నిశ్చయించుకున్నాను. తేదీని నిర్ణయించుకున్నారా అని పై వారు అడిగారు. నాకు అర్థమయ్యింది, త్వరలోనే పెద్ద నిర్ణయం తీసుకోబోతున్నారని. ఇది ఆగస్టు, సెప్టెంబర్లలో ఉంటుందని భావించాను. నేను మాత్రం ఆగస్ట్ 15కి ప్రాధాన్యతను ఇచ్చాను. ఎందుకంటే అది రెండవ ప్రపంచ యుద్ధంలో జపాన్ లొంగిపోయిన రెండవ వార్షికోత్సవం" అని బాటన్ చెప్పారు.
ఉపసంహారం:
2023న, మనం జరుపుకుంటున్న స్వతంత్ర్య దినోత్సవానికి ఉన్న ప్రత్యేక అర్హత “ఆజాదీ కా అమృత్ మహోత్సవ్”. అంతే కాకుండా ఈసారి ఎంచుకున్న థీమ్ కూడా ప్రత్యేకమైనది. “నేషన్ ఫస్ట్. ఆల్వేస్ ఫస్ట్”. ఈ రకమైన భావన బడి దశలోనే నాటబడటం వలన భావి దేశ పౌరులు బాధ్యతాయుతంగానూ, దేశభక్తితోనూ పెరుగుతారు. మరొకసారి..
.. “అందరికీ 77వ, స్వతంత్ర్య దినోత్సవ శుభాకాంక్షలు”.